الوصايا العشر لشراء الكتب من معرض الكتاب

1 -ء طيب نبدأ بحاجة مهمة وهى أن محبى القراءة وشغفها..تقريبا لا ينتظروا موعد المعرض للشراء.. بيكون طول ايام السنة..معرض كتاب مستمر.. طب ليه بقول كده؟ء

2-ء عشان قوة الطلب او الاندفاع على أى سلعة فى وقت محدد..بيولد عرض محدود وسعر أغلى..يعنى أيه؟ء

بعض من دور النشر.. بقول بعض ها.. بتضع سعر كتاب مبالغ فيه.. بصرف النظر عن موال كل سنة.. وموال كل سنة بيتغنى باسعار ارتفاع الورق.. فانت كشارىء بتندفع على الكتاب وكأنه آخر نسخة فى العالم.. فى حين انك لو انتظرت وصبرت هتجد سعره بيتعمل عليها عروض مخفضة..ء

عشان صبرت ومندفعتش🤑ء

3-ء بس يا انصارى فى كتب مهمة.. كتب دراسة ومذاكرة.. صعب اصبر عليها وبتكون للاسف اغلى كتب؟ء

هنا اولا نبحث عن اماكن بيع الكتب المستعملة واللى بقت متاحة على النت.. والبحث عن نسخ الكترونية مجانية قابلة للتحميل.. لان اطلاعك اولا على المعلومة المطلوبة.. هيوفر عليك عمى الشراء بدون استفادة.. بعد التاكد من الاستفادة الفعلية..ء

انت هتقدر تحدد مدى تضحيتك بشراء الكتاب العلمى.ء

4-ء وبمناسبة الكتب العلمية..يعتبر المركز القومى للترجمة من افضل وارخص الاماكن.. وحمل دايما قايمة عناوين الكتب قبل ما تزوره.. عشان تطلع على كل العناوين المتاحة..ء

5 -ء لازما تحدد لنفسك سعة مالية للشراء.. ومقصدش بس سعة شراء اجمالية للكتب كلها؟ء

بس هنا وفالحالة دى مبشتريش.. بس ازاى اقدر احدد حدود تسعيرة للكتاب؟ء

6-ء لازم برضه تبقى عارف ان وعيك بتسعيرة الكتاب والشراء.. بيجبر البائع على التسعير على اساس هذا الوعى.. وطبعا وعيك بالتمهل بيولد المزيد من العروض والتخفضيات..ء

بس ليه يا انصارى بتشترى طول السنة ؟ء

لان خلال السنة فى مكتبات واماكن بتعمل عروض فعلا عروض مخفضة تستحق الشراء.. فاحتفظ دايما بفلوس للفرص دى..وانتهزها

مثال : اشتريت روايتين لكاتب بحبه سعرهم 715 ج وحصل عرض عليهم من مكتبة وجبتهم ب 450ج..يعنى وفرت 265 ج.. يعنى خصم تقريبا 63%ء

7 -ء ممكن تلاقى نفس الكتاب بنفس اسم المترجم..بس بطبعة حكومية.. وده اللى تحاول تركز عليه..خاصا فى الروايات المترجمة..زى مشروع دار الهلال والهيئة العامة لقصور الثقافة..ء

 مستعجلش على الروايات.. وحدد حدود لسعرك اللى تقدر تدفعه فعليا.. انا ياما ما صبرت على كتب..وقدرت اجيبها بعد كده بنص او اقل من سعرها..ء

8 -ء دون دايما قايمة كتب باستمرار وحافظ على ذاكرة متوسط الاسعار.. ولو بتشترى كتب مستعملة او قديمة.. حاول تنتقى الكتب ذات الورق الابيض.. صحيا مفيدة ليك..ومفيدة لعمر الكتاب فى مكتبتك..ء

يعنى اسال نفسك هل ممكن وانت ماسك الكتاب ده دلوقت وفإيديك انك هل بمجرد ما انت تروح.. هتقراه؟ء

لو واثق من ده اشتريه..لو فكرت شوية..سيبه عالطول.. وادى فرصة لغيرك محتاجه يشتريه.. احيانا كتب الطبعة الحكومية محدودة العدد..ء

10-ء فى فكرة حلوة دايما بعملها فى دايرتى الخاصة.. المشاركة فى الشراء.. مش عيب خالص نتفق على عناوين كلنا هنقرا من نفس الكتاب.. او نقسم ميزانية الشراء على فردين او تلاتة..ء

وكل معرض كتاب وانتوا طيبين 😍ء