.png)
كيف تصبح مخرجا عظيما ؟
مؤمن دايما بحاجتين.. الاولى ان الكتاب العلمى اللى مختص بعلما ما سواء نقدى فى الادب او بحثى فى العلوم .. الاصل فيه هو التبسيط وبعد كده بناء شاهق الى حد القمة من المعرفة والتى تزداد تعقيدا.ء
الحاجة التانية ان العلوم بشكلا عام وخاصا الفنية(من الفن) نبعها واحد.. سواء كان رسم و كتابة و اخراج سينمائى.. الخ كلها تؤدى الى غاية واحدة وهى:ء
كيفية التعبير عن الاخر بروح الأنا
الأنا .. اللى هى روح الفنان والاخر ..اللى هو المتلقى.ء
لحسن حظى اطلاعى على مؤلف اسمه كين دانسايجر استاذ السينما فى جامعة نيويورك فى كتاب ( سيناريو الافلام القصيرة)من قبل ثم فى هذا الكتاب الممتع جدا (فكرة الاخراج السينمائى) .. الكتابين اصدار المركز القومى للترجمة بترجمة راقية سليمة.ء
الكتاب بياخدنا الى كواليس صناعة السينما وكيفية صناعة الفيلم بكل مراحله وخاصا مرحلة الاخراج بكل ما فيها.. يؤسس لك طرق الصناعة مع وضع نماذج من مخرجين مع تفسيرات لاغلب افلامهم بصورة مبسطة وبلغة علمية.ء
موهبة دانسايجر هى توصيل المعلومة او القصد باكتر من طريقة شرح واعادة وتلخيص فى سطور.ء
ما يلفت الانتباه انه بيبدأ كتابه من منطلق تحديد الخطوط العامة كاملا واللى هيمشى عليها فى شرح فكرته و ده شىء اجده جاف جدا جدا فى كتب العرب الاكاديمية للاسف الشديد.ء
ثم التبسيط والشرح و الاعادة تكنيك اجده لا غنى عنه.ء
بيشرح ازاى الفيلم يكون العظيم ؟ وايه مسببات ذلك والطرق المؤدية ايه بلا طلاسم او مجاهيل او فوازير عربية كما كنت اقرا فى كتب الجامعة فى مصر.ء
حاجة عظيمة جدا لفتت انتباهى وكنت دايما بفكر فيها واحاول اجد لها فكرة وهى:ء
ان كل مخرج له (فكرة اخراجية) بمعنى انك تقدر تلخص كل اعماله فى سطر واحد فقط ؟ تخيل معايا كده انه قدر يعطى بعد الشرح طبعا بالتفاصيل ملخص سطرى للمخرج مثلا:ء
فرانسيس كوبولا (الاب الروحى) تعتمد فكرته الاخراجية على الاحساس الاوبرالى.ء
وودى ألين( مانهاتن/آنى هول/هانا وشقيقاتها) تعتمد على ان يكون هو نفسه ممثلا.ء
مارتين سكورسيزى يعتمد البحث عن حالة الرضا والامان للشخصية.ء
الحقيقة انى لم اطلع على كتاب نقد ادبى عربى قدر مثلا ولو بملمح مبسط ان يبسط مثلا ادب نجيب محفوظ فى عبارة واحدة ؟ ويقدر انه يبسط النقد الادبى واللى للاسف قدرى فى محاولة المقارنة الدائم بين الكتب البحثية.. واصبح الاعتماد على الكتب الاجنبية لا غنى عنه.ء
هذا الكتاب ممتع جدا جدا وانصح به بشدة.ء
