.png)
ONCE UPONA TIME IN HOLLYWOOD تأثير تارانتينو الجميل في فيلم
الصدفة الحلوة خلتنى اتفرج على فيلمين لتارانتينو.. والفيلم الجميل ده مش معمول لشريحة جمهور محبة لقصة تكون شيقة او اكشن.. لعادة اختيار ممثلين جربه النوعيات دى من الجماهيرية..
وبرغم كرهى لفكرة التريند اللى بتسيطر على المتلقى فى حكمه على العمل الأبداعى.. وبتأثر للأسف عليه فى تقييمه.. لأنه من المفترض انه يشاهد العمل الأول ثم يقرأ تعليقات التريند او النقد على الفيلم.. مش العكس.. وللأسف فكرة التريند سلاح ذو حدين.. لتقفز بفيلم الى السماء اما لتنزل به الى تحت الارض.. كفكرة ترويجية له.
عشان كده بقيت غالبا ومن قوة التريند على الفيلم.. ابتعد على المشاهدة لو كان فيلم.. وعن قراءة رواية..بعيدة عن تأثرى بهذا التريند.
الفيلم يصنف كعمل ابداعى سينفونى فى الاوبرا رفيع المستوى.. مدته ساعتين ونص من الصورة الممتعة فى فترة الستينات.
براد بيت من اقوى ادوار تاريخه الفنى.. اداءه كان طبيعى بدرجة مقنعة.. نضجه الفنى ملفت واتمنى يستمر فى حسن اختيار ادواره المقبلة.
ديكابريو كان حلو كعادته بس براد خطف منه الكاميرا..
الفيلم لجمهور خاص يبحث عن متعة اداء كاميرا وممثلين وصورة مميزة.
الفيلم جميل ويستحق المشاهدة.
