.png)
AVENGERS END GAME نهاية العالم في فيلم
ليه مكتبتش على الفيلم بعد خروجى من السينما؟
معجبنيش
معجبنيش
معقولة ده محقق 2 مليار دولار وقيل انه تانى فيلم بعد افاتار تحقيقا للايرادات فى تاريخ السينما.. بالاضافة الى كمية الحجوزات الماهولة قبل موعد طرحه ..نروح بعيدا ليه..انا حجزت مكانى قبلها ب 5ايام وحجزت من النت وتقريبا كل الحفلات محجوزة ل3 ايام قدام.ء
المهم بعد كل الضجة دى .. منقدرش نحكم على الفيلم بعيدا عن جزءه الاول واللى اطرح من سنة فى نفس الموعد تحديدا .. وقلت فيه انه تحفة سينمائية للاسباب كتيرة اهمهم:ء
السيناريو المركز
الحبكة المحكمة
مزج الفلسفة بالكوميكس
دى كانت اسباب نجحت الجزء الاول برغم الصعوبات فى جمع شخصيات الكوميكس ال (20) تقريبا فى حبكة واحدة وتوظيفهم فى مشاهد متوازية.
واللى حابب يطلع على بوست الجزء الاول هيلاقى هنا
:ءhttps://hakeat.blogspot.com/2024/06/avengers-infinity-war.html
وهنا تاتى الاعتمادية على (الميلودارما) اللى اخدت من القصة الجزء الفلسفى المهم جدا من وجهة نظرى والغير مسبق فى سينما الكوميكس.. لتعود من جديد الى النمطية الشائعة فى افلام الكوميكس.ء
ليه فشلت الميلودراما فى الفيلم؟
تعتمد الميلودراما على الاداء التمثيلى وبالتالى تحتاج ممثل من عينة معينة يعتمد على الادائية فى التعبير وبالتالى تحتاج كاميرا ثابتة فى مشهد طويل .. وده يقلل كتييييير من عنصر الاكشن او الحيوية الموجودة فى افلام الكوميكس.ء
للاسف على مدار ساعة ونص اتكررت مشاهد ميلودرامية كانت من الممكن ان تختصر فى نصف المدة دى او اقل كمان.. وبعيدا عن اداء بعض الممثلين فليس المطلوب منه اداء تمثيلى مقنع او معبر بعيدا عن اتفاقه المسبق مع المخرج او الشركة بنوعية المادة الفيلمية المطروحة فى العمل؟
اذن الميلودراما اضعفت العمل واخدت من الجزء الفلسفى اللى غاب بلا عودة للاسف عن الفيلم فى مقابل اداخل عنصر العلم.. والنظرية الكمية.. اللى استثمرت من قبل فى افلام كتييييرة جدا.. وكان حل بسيط جدا فى مضمونه اللى حاول فيه المخرج تضخيمه وتصعيبه ولم يقدم تفسير علمى منطقى كما فعل مخرجون اخرون مثل نولان فى فيلم
بالاستعانة باساتذة الفيزياء لتقديم مادة علمية مقنعة ؟ interstellar
فتحولت الحبكة الى فيلم كرتونى طفولى جدا فى حبكته للاسف.ء
لم يشفع للفيلم الا فى النصف التانى منه وبداية سلسلة من مشاهد الحركة والتى غابت بشدة فى نصفه الاول .. لتحاول ان تنقذ الفيلم من هدوءه الشنيع.ء
الحبكة الوحيدة المقنعة كانت نهاية الفيلم نفسها وطريقة ختام القصة..ء
على العموم الفيلم جيد ولم ينزلق الى السوء
