.png)
٣٣ - كبسولة نقدية : القارىء كمستهلك ذكي
صديق حكى لى أنه كان محتاج كتاب نقد أدبى مهم وبحث عليه pdf ولقى نسخة متاحة فحملها وقرأ الكتاب.. فحب يشتريه ورقى.. فلقى سعره 240 ج.. فراح لمكتبة تصوير وطبعه.. فكلفته تقريبا نصف السعر.
طبعا حق دور النشر فى ملكية المحتوى.. حق لا نقاش فيه.. بس لازم دور النشر فى مسألة التسعير خاصا.. تعامل القارىء باعتباره ذكى مش عبيط.. واننا طالما دخلنا فى تعامل اقتصادى فى سلعة.. يبقا لازم نفهم أ..ب.. تجارة :-
القارىء طبعا هيروح ل أرخص تمن ممكن يوفر عليه.. دى قاعدة اقتصادية ما دام السلعة متاحة.. خاصا فى محتوى الفنون.
يبقا دار النشر كتاجر لازم تتجه الى مكتبة ال pdf مجبرة وتسعر الكتاب بنسبة تسحب بها القارىء الرقمى وتوفر له مميزات تحفزه مثلا على الاشتراك فى المحتوى زى شركة Netflix اظن نجحت.
وفى مقالات اتكلمت على دراسات اتعملت بخصوص فئة القارىء ال pdf و قدرت تشد الفئة دى بمحتوى وبتسعير مناسب..ونفس الدراسات بتقول انه فى نسبة بتحب تجرب المحتوى الرقمى اولا ثم تلجأ الى الورقى(زى صاحبى).
يعنى لا غنى عن الكتاب الورقى كملجأ محتوى.
وقالت انه النسبة الشرائية للكتب الورقية برغم طغيان الpdf لم تتراجع.
يعنى بيظل سوق الكتاب الورقى كمعدلات شراء اعلى من ال pdf
..قالت ان نسبة الشراء الورقى اعلى من الشراء الرقمى على موقع امازون..واتعملت الدراسات على كتب شهيرة زى سلسلة دان بروان و هارى بوتر.
فدور النشر لازم تفكر وتعامل القارىء باعتباره مستهلك ذكى..يبحث عن مصلحته الاقتصادية وتفكر لمصلحته عشان مصلحتها.. مش العكس 
