.png)
خواطر عن معرض الكتاب الصيفي يونية 2021
عايز اتكلم عن زيارة معرض الكتاب.. ومخبيش عليكم ان حالة من التردد ما بين الذهاب او الامتناع عن الزيارة لسببين مهمين اولهم درجة الحرارة وتانيهم الكورونا.
بس قررت التجربة واحاول احكم عن التجربة من خلال انطباعى الشخصى.. بس فى الاول عايز اشيد بالجهد التنظيمى ومن تدارك بعض الاخطاء والهفوات السابقة.
2- لما وصلت عن البوابات وبصيت عليهم لاقيت شوية تكدس وطبعا كان حجز الاون لاين بيسهل كتير من حركة الدخول.. بس لما عرفت الاجراءات المتبعة من الأمن عرفت ان عيب رؤية الزحمة الخارجية مشكلته كان الناس مش الأمن.. لان الأمن كان عددهم كتير جدا واغلبهم لابسين بدلات ملكى عادية وكانت حركتهم سريعة وبتقول للجمهور اتحركوا بسرعة..فالتعامل من جانبهم كان جيد جدا.. و اثناء الدخول لاقيت 5 ممرات للدخول ولاقيت لعادة مصرية ازلية تكدس عن 3 منهم والتانين فاضين فدخلت فيهم ومريت بسلام بعكس التلات صفوف.. فهى ثقافة شعب بيحب الزحمة وشوفت ده فى مظاهر اخرى برضه.
3- الجو حر جدا ودرجة الحرارة عبرت ال 40 تقريبا والرطوبة تخدر وتخليك مهمد وجسمك محتاج سكريات باستمرار.. ده كان احساسى وانا ماشى وبركض تقريبا لاول قاعة تقابلنى احتماءا من الشمس والهوا السخن.
4- قابلت اول قاعة وعلى مسافة امتار هواء التكيف كان زى المغناطيس.. التبريد داخل القاعات ممتاز واقل من الخارج تقريبا ب 15 درجة وخلال للممرات وكانت فى شاشات فى راس كل قاعة عليها احصائيات بيانية توضح السعة الرسمية فى داخل القاعة.
5- تنظيم سعة القاعة كان من خلال صوت بيتم تنبيه الجمهور بالسعة المكتملة ..فكان بيتم غلق القاعات من الخارج ومنع الدخول و ده ادى الى خناقة حصلت من الناس الى الأمن.. وهنا بتأتى ثقافة الشعب اللى مش قادرة تدرب نفسها على النظام.. الأمن بينفذ تعليمات صح وصحية.
6- داخل القاعة كان هناك تصميم غير مسئول من قبل بعض دور النشر وبعض الكتاب على اجراء حفلات توقيع وكان ده بيؤدى الى تكدس فى الممرات وكنت مستاء جدا من عدم الوعى والاستهتار منهم فكان افراد من الامن منتشر وبيمنع ده بقدر الامكان.
7- اسعار الكتب مقبول ومحتاج انك تكتب اللى محتاج تقراه ضرورى.
8- لما خرجت من قاعة وجيت احاول ادخل قاعة اخرى لاقيت تكدس واغلاق فعرفت ان السعة مكتملة..بس هنا معملتش زيهم ووقفت..اخدت جنب على مسافة وريحت شوية..ربع ساعة ورجعت دخلت نفس القاعة وبكل سلاسة..عشان كده بقول لازم ندرب نفسنا على النظام ونحاول نقلل شوية من عادة التلزيق دى 
9- المشروبات اسعارها معقول وممتازة.
10- التنظيم فى المجمل جيد وفيه تلافى لاخطاء سابقة بس تظل ضعف شبكات التليفون علامة استفهام.
والجميل انك بتقابل الناس الحلوة.. فتجربة حلوة بس شاقة شوية
