.png)
١٦ - كبسولة نقدية : كلمات متقاطعة روائية 3
رواية معاصرة من مدرسة الواقعية السحرية.. لم استكملها وتوقفت فى الصفحة الستين تقريبا.. المشكلة الحقيقة اللى قابلتنى فيها.. برغم ان الكاتب قرأت له من قبل رواية من ذات المدرسة وحصلت على جائزة وكانت حلوة بس مكنتش محكمة فى انهاء فكرتها..لكن حلوة فى كل الاحوال..
اما الرواية دى تحديدا قابلنى فيها مشكلة فى المنطق السردى..يعنى ايه؟
يعنى انا مقدرش افترض ككاتب عشان بكتب.. فانتازيا..واقعية سحرية.. اللامعقول.. انه خلاص كده وكل ما يتعلق بالمنطق السردى قد تبخر..بعصا سحرية؟
هعطى مثال مبسط من وحى الرواية:
(لاقيت البطل محبوس داخل عمارة ليس لها ابواب وهو بنفسه سأل نفسه ليه أنا هنا ؟ وازاى اقدر اخرج من هنا؟)
من المفترض ان السرد وحرارة الشكل البنائى تكون مبنية على هذا السؤالين.. كفكرة تشويقية مركزة فى السرد.
مقدرش اثناء السرد اترك البطل يتعايش مع هذا الوضع بدون سبب منطقى؟
ومقدرش اخليه يقابل شخصيات غريبة بدون انه يسال نفسه عن انطباعه عنهم؟
ومقدرش انا كقارىء وبدون ان تضع امامى اجابات لأسلتى المنطقية وان تتجاوب معى ككاتب.. ان احاول استكمال فكرتك.. وانت لا تحاول ان تحل العقدات التى تطرحها امامى؟
